منتديات الغلا

snake-x5x-2009@hotmail.com
 
الرئيسيةالبوابةس .و .جبحـثالتسجيلالأعضاءالمجموعاتدخول

شاطر | 
 

 أربع خناجر

اذهب الى الأسفل 
كاتب الموضوعرسالة
عاشق الظلام
مشرف منتدى القصص والروايات
مشرف منتدى القصص والروايات
avatar

عدد الرسائل : 63
تاريخ التسجيل : 21/10/2007

مُساهمةموضوع: أربع خناجر   الإثنين أكتوبر 22, 2007 6:13 pm

مشكله لا جات حاجتك بيديـن البخيـل
مايفكـك ليـن تدفـع كثـر مايدفـعـه




ومشكله لا صرت مطعون بكفوف الدخيل
في ظهرك اربع خناجر وبالصدر اربعـه




ومشكله لا ضاق بالوقت رجـالً ثقيـل
يطلـب احبابـه وعيـا زمانـه ينفعـه




ليت ربي مايحاسب خليـلً مـن خليـل
دام مال الحـظ فزعـه وللوجـه اقنعـه




ودام مال العذل تالـي ومابالحيـل حيـل
الغـلا سمـاً نذوقـه ومـرً نجـرعـه




نحتري فيه القا والحصيل هو الحصيـل
مثـل حلمـاً ماتحقـق وعيـت اقطعـه




كني اللي حط بشفاه من جمـر المليـل
لا قـدر يرميـه للنـاس وزرا يبلـعـه




والظروف اللي حدتني لنيـران وفتيـل
عرضت دمع المحاجـر لشـيً يجزعـه




والمدامـع بالغـلا لا تحـال ولا تحيـل
والمشاكل كـل ماجـات جـات مجمعـه




اعذلوني عن هوى النفس وعيوني تخيل
في حبيـب ٍ ماتركتـه ولازلـت اتبعـه




مغرم في حب مثله ولا ارضى له بديـل
عيني تشوفه وقلبـي يجـوع ويشبعـه




ذاك كل مازان بالـي وطالعـت النخيـل
ماذكـرت الا ثباتـه بوقـت الزعزعـه




ماهو الاقطعة مـن حشـا قلبـاً عليـل
وماني الا قطعـة منـه مخلـوقً معـه




لا جميل شفت قبلـه ولا بعـده جميـل
العذارا رهن رمشه وانا رهـن اصبعـه




والله انه لو طلبني اطلـوع المستحيـل
لا اطلعه منـي منـاك يعنـي لا اطلعـه




ماعلي مـن الملامـه وهـرج الهبيـل
مشجع الرجال لا ثـار غيـره مشجعـه




في عيون اللي عشقني ولا جاني هزيـل
الله اللي حط عشقـه بقلبـي وزرعـه




لو سكت ينطق له الصم والدنيـا تسيـل
وان حكى لو يمشي المزن ياقف يسمعه




سلسبيل من شفاتـه يخالـط سلسبيـل
معمعه بسكات واحـلا سكـات بمعمعـه




ماهقيت ان اكثر الليل يمـرح بالجديـل
لين شفته شوف عينـي بكفـه يرفعـه




وان حيت ومابقالي معـه ياكـود ليـل
لا اسهره بأول غروبه وموت بمطلعـه




والله ان العشق جمره وطاحت بالشليـل
وان حصل ماطاعك الوقت بحبابك طعـه




من هو اللي علم عداي نكران الجميـل
ومن هو اللي خان خلي وحـاول يقنعـه




كل عاذل ردني عنك يالطـرف الكحيـل
ياعسى الله يقلعـه ياعسـى الله يقلعـه




يامعرض قلب الاحباب للـدرب الطويـل
السعه لا بـارك الله بالضيـق السعـه




والله ان الوقت قاسي وانا مانـي ذليـل
واشهد ان الرجل مرات ظنـه يخدعـه




وانتم اتعذلون خفـاق بعيـون العديـل
مارحمتم نـار جرحـه وحيـرة مدمعـه




والسوالف ليلها ليـل والحايـل يحيـل
والمشاكـل مشكلـه بمشكلـه متجمعـه




مشكله لا خانك الوقت بالحمـل الثقيـل
لو زرعت الزرع هوج العواصف يشلعه




ومشكله لاصار عاذلـك مايبـرد غليـل
لا تـرده طيـب كلمـه ولحـدً يمنعـه




ومشكله لا صرت مطعون بكفوف الدخيل
في ظهرك اربع خناجر وبالصدر اربعه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
mr.wael
المدير العام
المدير العام
avatar

عدد الرسائل : 96
تاريخ التسجيل : 20/10/2007

مُساهمةموضوع: رد: أربع خناجر   الأربعاء أكتوبر 24, 2007 11:21 am

مشكووووووووووووورررررررررررررر على الموضوع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://almajhol.ahlamontada.com
القمر كله
نائب المدير
نائب المدير
avatar

عدد الرسائل : 121
تاريخ التسجيل : 21/10/2007

مُساهمةموضوع: رد: أربع خناجر   السبت نوفمبر 03, 2007 5:06 pm





يسلمووووع الموضووووع



تقبل مروري
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
أربع خناجر
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الغلا :: منتديات المجهول الادبيه :: منتدى الشعر-
انتقل الى: